Skip to main content

SERIKALI YAJIPANGA KUKABILIANA NA UHABA WA MAFUTA YA KULA NCHINI.



                                *******************************************
                                    Na Mwandishi wetu.
 
SERIKALI imejipanga kuhakikisha inaokoa takribani nusu trilioni ya fedha ambazo zimekuwa zikienda nje kila mwaka kwa ajili ya kuagiza mafuta ya kupikia kwa kuja na mbegu za kisasa, kuboresha shughuli za ugani pamoja na tafiti ili kujitosheleza.

Akifungua kongamano linalojadili sera za namna Tanzania inavyoweza kujitosheleza kwa mafuta ya kupikia mkoani Dar es Salaam jana, Waziri wa Kilimo, Profesa Adolf Mkenda alisema kiasi hicho kikiokolewa, kitasaidia katika kuchangia uchumi wa ndani na kutengeneza ajira zaidi kwa vijana.

"Tunazalisha wastani wa asilimia 45 tu ya mahitaji yetu na tunatumia wastani wa Sh bil 475 kila mwaka, karibu nusu trilioni. Unapopeleka kiasi hicho nje, unaenda pia kuboresha ajira nje. Kwa miaka mitatu tunakuwa tumepeleka nje zaidi ya fedha tulizokopa hivi karibuni IMF, Sh trilioni 1.3.

"Angalia hizo fedha za IMF zinavyofanya kazi nyingi kwa hiyo zikibaki ndani zitapunguza tatizo la ajira. Machinga wengi watakuwa wanazalisha viwanda badala ya kuwa baranarani," alisema.

Akizungumzia kuhusu hatua zinazochukuliwa alisema ni pamoja na kusambaza mbegu bora za mazao yanayozalisha mafuta kwa wingi kama chikichi, alizeti, ufuta, karanga na nazi.

Kwa upande wa alizeti ambayo kwa sasa inaongoza kwa kuzalisha mafuta kwa wingi nchini alisema kwa sasa mkulima anapata wastani wa tani 0.7 kwa ekari wakati akitumia mbegu bora na kilimo cha kisasa anaweza kupata hadi tani 4.0 kwa ekari.

Kingine ambacho serikali imedhamiria kufanya alisema ni kuongeza bajeti ya shughuli za ugani na utafiti.

Kwa upande wa maofisa ugani alisema serikali itanunua pikipiki 2,000 ambazo zitagawiwa kwa maofisa ugani hivi karibuni, pamoja na kuwa na vifaa vya kupimia udongo na simu janja.

Waziri alisema mpaka sasa Tanzania ndio inaongoza kwa kuzalisha mafuta ya kula Afrika Mashariki na ni ya 26 duniani, Ukraine ikiongoza.

Mwenyekiti wa Chama cha Wazalisha Mafuta ya Kupikia (TASUPA), Ringo Iringo, alisema kutokana na uzalishaji mdogo, viwanda vingi vinafanya kazi kwa kipindi cha miezi mitatu hadi minne na Kufunga kwa kukosa malighafi.

Alisema Tanzania ina viwanda takribani 775 kuanzia vidogo kabisa hadi vikubwa.

Alishauri mashamba yaongezwe akisema kwani mafuta ya kupikia ni ya lazima nyumbani kuliko hata Mazao kama korosho.

Naye Mratibu wa Kitaifa wa Mazao ya Mafuta ya Kupikia kutoka Taasi ya Utafiti wa Kilimo Tanzania (Tari), Joseph Nzunda alisema kimsingi Tanzania ina ardhi ya kutosha kuzalisha mafuta ya kula hadi kuuza nje, akisema soko ni kubwa sana.

Alisema mbegu bora kwa sasa zipo zonazoweza kuleta tija maradufu kwenye uzalishaji kinachotakiwa ni mipango bora.

Kongamano hilo limeandaliwa na wizara ya fedha na Mipango kwa kushirikiana na Umoja wa Ulaya-EU.

MWISHO.

Comments

Post a Comment

Popular posts from this blog

WAJASIRIAMALI MPANDA WAILILIA SERIKALI KUCHELEWA UPATIKANAJI WA VITAMBULISHO

Na Swaumu Katambo, Katavi W afanyabiashara wadogo   katika stendi ya mabasi M izengo P inda wameiomba S erikali kuharakisha ugawaji wa vitambulisho ili kuep u kana na adha ya kulipa ushuru wa H almashauri ambao una   gharama  kubwa. W akizungumza na Site Tv  wajasiriamali M jini M panda wame i lalamikia H almashauri ya M anispaa ya M panda kuwatoza ushuru pasipo kuwa na utaratibu wowote . Mkurugenzi wa M anispaa ya M panda M ichael N zyungu amesema kuwa adha hiyo imetokana na kuchele we shwa kwa vitambulisho na amewataka wajasiriamali kuwa na uvumilivu katika kipindi hiki. Vitambulisho vya ujasiriamali vilianzishwa na serikali maalumu kwa kuwasaidia wafanya   biashara wadogo kutoa huduma bila bugdha yoyote . MWISHO
Post a Comment
Read more

Tufanye mabadiliko ya kina kwenye mfumo wa elimu -Mbunge Rose Tweve

Post a Comment
Read more

KANISA KATOLIKI PAROKIA YA INYONGA LAFANYA MISA MAALUMU KUMUOMBEA DKT MAGUFULI, DC JAMILA ASISITIZA KUMUENZI KWA VITENDO

Mkuu wa Wilaya ya Mpanda  ambaye pia ni  Kaimu Mkuu wa Wilaya ya Mlele  Mhe  Jamila Yusu ph akisisitiza jambo wakati  akizungumza kwenye Misa Maalumu katika Kanisa Katoliki Parokia ya Inyonga ya Kumuombea Hayati Dkt John Pombe Magufuli, tarehe 24 Machi 2021. Mkuu wa Wilaya ya Mpanda  ambaye pia ni  Kaimu Mkuu wa Wilaya ya Mlele  Mhe  Jamila Yusu ph akiwa katika picha ya pamoja na Viongozi mbalimbali wa Kanisa katoliki Parokia ya inyonga mara baada ya kumalizika  Misa Maalumu ya Kumuombea Hayati Dkt John Pombe Magufuli, tarehe 24 Machi 2021. Kiongozi wa Kanisa Katoliki Parokia ya Inyonga Padri  Maricelo Butoyi akiongoza Misa Maalumu ya  kumuombea Hayati Dkt John Pombe Magufuli, tarehe 24 Machi 2021. Sehemu ya waumini wa Kanisa Katoliki Parokia ya Inyonga wakifuatilia ibada Maalumu ya Kumuombea Hayati Dkt John Pombe Magufuli, tarehe 24 Machi 2021. Sehemu ya waumini wa Kanisa Katoliki Parokia ya Inyonga wakifuatilia ibada Maalumu ...
Post a Comment
Read more